नवी मुंबई, दि. १८ (विमाका) – Directorate of Information and Public Relations Maharashtra (माहिती व जनसंपर्क महासंचालनालय) यांच्यावतीने उत्कृष्ट पत्रकारिता, लेखन, दूरचित्रवाणी वृत्तकथा, छायाचित्रण, समाज माध्यम तसेच स्वच्छता अभियानावरील जनजागृतीपर लेखनासाठी पुरस्कार स्पर्धा जाहीर करण्यात आली आहे.
या स्पर्धेसाठी १ जानेवारी २०२५ ते ३१ डिसेंबर २०२५ या कालावधीत प्रसिद्ध झालेल्या लेखन, छायाचित्रे व वृत्तकथा यांच्या प्रवेशिका मागविण्यात येत आहेत. प्रवेशिका सादर करण्याचा अंतिम दिनांक १५ मार्च २०२६ असा आहे.
राज्यातील विविध जिल्ह्यांतील इच्छुकांनी संबंधित जिल्हा माहिती कार्यालयाकडून अर्ज प्राप्त करावेत. मुंबई शहर व उपनगरातील इच्छुकांनी माहिती व जनसंपर्क महासंचालनालय, तळमजला, हुतात्मा राजगुरु चौक, मादाम कामा मार्ग, मंत्रालय, मुंबई–३२ येथून अर्ज घ्यावेत. अर्जाचे नमुने dgipr.maharashtra.gov.in या संकेतस्थळावर उपलब्ध आहेत.
पुरस्कारांची संपूर्ण यादी
- अटल बिहारी वाजपेयी राष्ट्रीय पत्रकारिता पुरस्कार (राष्ट्रस्तरीय) – रु. 1 लाख (मानचिन्ह व प्रशस्तीपत्र)
- बाळशास्त्री जांभेकर पुरस्कार (मराठी) – राज्यस्तर – रु. 51 हजार (मानचिन्ह व प्रशस्तीपत्र)
- अनंत गोपाळ शेवडे पुरस्कार (इंग्रजी) – राज्यस्तर – रु. 51 हजार (मानचिन्ह व प्रशस्तीपत्र)
- बाबूराव विष्णू पराडकर पुरस्कार (हिंदी) – राज्यस्तर – रु. 51 हजार (मानचिन्ह व प्रशस्तीपत्र)
- मौलाना अबुल कलाम आझाद पुरस्कार (उर्दू) – राज्यस्तर – रु. 51 हजार (मानचिन्ह व प्रशस्तीपत्र)
- यशवंतराव चव्हाण पुरस्कार (शासकीय गट – मराठी, माहिती व जनसंपर्क) – राज्यस्तर – रु. 51 हजार (मानचिन्ह व प्रशस्तीपत्र)
- पु. ल. देशपांडे उत्कृष्ट दूरचित्रवाणी वृत्तकथा पुरस्कार – राज्यस्तर – रु. 51 हजार (मानचिन्ह व प्रशस्तीपत्र)
- तोलाराम कुकरेजा उत्कृष्ट वृत्तपत्र छायाचित्रकार पुरस्कार – राज्यस्तर – रु. 51 हजार (मानचिन्ह व प्रशस्तीपत्र)
- केकीमूस उत्कृष्ट छायाचित्रकार पुरस्कार (शासकीय गट – माहिती व जनसंपर्क) – राज्यस्तर – रु. 51 हजार (मानचिन्ह व प्रशस्तीपत्र)
- समाज माध्यम पुरस्कार – राज्यस्तर – रु. 51 हजार (मानचिन्ह व प्रशस्तीपत्र)
- स्वच्छ महाराष्ट्र जनजागृती पुरस्कार – राज्यस्तर – रु. 51 हजार (मानचिन्ह व प्रशस्तीपत्र)
- पत्रकार सुधाकर डोईफोडे अग्रलेखन पुरस्कार – राज्यस्तर – रु. 51 हजार (मानचिन्ह व प्रशस्तीपत्र)
विभागीय पुरस्कार
- दादासाहेब पोतनीस पुरस्कार (नाशिक विभाग) – रु. 51 हजार (मानचिन्ह व प्रशस्तीपत्र)
(याव्यतिरिक्त ‘दै. गावकरी’कडून रु. 10 हजार विशेष पारितोषिक) - अनंतराव भालेराव पुरस्कार (छत्रपती संभाजीनगर व लातूर विभाग) – रु. 51 हजार (मानचिन्ह व प्रशस्तीपत्र)
- आचार्य अत्रे पुरस्कार (मुंबई विभाग) – रु. 51 हजार (मानचिन्ह व प्रशस्तीपत्र)
- नानासाहेब परुळेकर पुरस्कार (पुणे विभाग) – रु. 51 हजार (मानचिन्ह व प्रशस्तीपत्र)
- शि. म. परांजपे पुरस्कार (कोकण विभाग) – रु. 51 हजार (मानचिन्ह व प्रशस्तीपत्र)
- ग. गो. जाधव पुरस्कार (कोल्हापूर विभाग) – रु. 51 हजार (मानचिन्ह व प्रशस्तीपत्र)
- लोकनायक बापूजी अणे पुरस्कार (अमरावती विभाग) – रु. 51 हजार (मानचिन्ह व प्रशस्तीपत्र)
- ग. त्र्यं. माडखोलकर पुरस्कार (नागपूर विभाग) – रु. 51 हजार (मानचिन्ह व प्रशस्तीपत्र)
राज्यातील पत्रकार, छायाचित्रकार व माध्यम क्षेत्रातील व्यक्तींनी मोठ्या संख्येने या स्पर्धेत सहभागी व्हावे, असे आवाहन माहिती व जनसंपर्क महासंचालनालयाने केले आहे.
