फाटक हायस्कूलमध्ये शिष्यवृत्तीधारक विद्यार्थ्यांचा गुणगौरव समारंभ

रत्नागिरी, दि. १९ : अभ्यासाबरोबर, खेळ, मस्ती करावी. मुलांनी आपल्या वयात मर्यादित व अत्यावश्यक असेल तेवढाच मोबाईलचा वापर करावा. कोवळ्या वयातील मुलांना मोबाईलपासून दूर ठेवण्याची जबाबदारी पालक, शिक्षकांची आहे. कारण इंटरनेट जेवढे उपयुक्त आहे तेवढे घातकही आहे. सायंकाळच्या वेळी विद्यार्थ्यांनी संस्कृत स्तोत्र पठण, ओंकार साधना करावी. यातून मेंदूचा विकास होतो, हे शास्त्रीयदृष्ट्या सिद्ध झाले आहे. योग्य व्यायाम, आहार, निद्रा आवश्यक आहे. आपलं शिक्षण हे शिक्षक व समाजाच्या मदतीने सुरू असते. त्यामुळे आपण दोन्हींचे ऋण फेडू शकत नाही, असे प्रतिपादन फाटक हायस्कूलचे माजी विद्यार्थी व डॉक्टर सुश्रुत केतकर यांनी केले. फाटक हायस्कूल येथे आयोजित पाचवी, आठवी शिष्यवृत्ती समारंभात प्रमुख पाहुणे म्हणून ते बोलत होते.