दापोली, दि. ११ (प्रतिनिधी) : रत्नागिरी जिल्ह्यात गणेशोत्सव आनंदात सुरू आहे तर विधानसभा निवडणुका लक्षात घेता राजकीय वातावरणही गरम आहे. सध्या दापोली विधानसभा मतदारसंघ चर्चेत आला आहे. साई रिसॉर्टचे मालक उद्योजक सदानंद कदम व रामदासभाई कदम यांच्यातील वाद सर्वश्रुत आहेत. या वादाचा फटका आमदार योगेश कदम यांना बसू शकतो. पण काका पुतण्या यांच्यातील कौटुंबिक वादावर रामदासभाई कदम यांचे सुपूत्र दापोली विधानसभा मतदारसंघाचे विद्यमान आमदार योगेश कदम यांनी निवडणुका येतात निवडणुका जातात नातं आमचं रक्ताचं नातं आहे आणि ते कायम राहील इतकच नाही तर मी अनिकेतचा मोठा भाऊ म्हणून कुटुंबासाठी दोन पावलं नक्कीच मागे घेईन माझ्याकडून नक्कीच ते प्रयत्न राहतील असे मोठे सूचक वक्तव्य केले आहे. इतकंच नाही तर ठाकरे गटाच्या एका व्यक्तीमुळेच आमच्या कुटुंबात वाद लागले त्यांच्या राजकारणाला ते बळी पडले असही मोठे विधान करत माजी आमदार संजय कदम यांचे नाव न घेता योगेश कदम यांनी सुनावले आहे. योगेश कदम यांनी केलेल्या सूचक वक्तव्यामुळे ठाकरे गटाचे माजी आमदार संजय कदम संतापले आहेत.
अनिकेत कदम माझे छोटे चुलत भाऊ आहेत त्यांनी प्रचार कोणाचा करावा नाही करावा हा त्यांचा वैयक्तिक प्रश्न आहे त्यांनी माझ्या विरोधकाचा प्रचार केला म्हणून आमच्यातील रक्ताच नातं संपणार आहे असा काही विषय नाही हे नातं मरेपर्यंत राहणारच आहे. अनिकेत हा व्यवसायिक आहे माझ्यापेक्षा लहान आहे उत्तम व्यवसाय करता आहेत मुंबईत असेल किंवा गावी असेल त्यांना व्यवसायासाठी माझ्या नेहमीच शुभेच्छा राहतील असं सांगत आम्हा काका पुतण्या व भावांमध्ये कोणतेही टोकाचे वाद नाहीत अशा स्वरूपाचे सूचक वक्तव्य केल आहे.
अनिकेतने राजकारणापासून लांब राहिलेले बरं राजकारण म्हटलं की थोडीफार धुसफूस होते पण ती होऊ नये असा त्याचा मोठा भाऊ म्हणून माझी अपेक्षा असणार आहे शेवटी तो त्यांचा वैयक्तिक निर्णय असणार आहे पण यामुळे आमच्या नात्यांमध्ये कोणतीही कटूता येणार नाही याची जबाबदारी मी मोठा भाऊ म्हणून नक्कीच घेईन अशी भूमिका मांडत वडीलबंधू म्हणून प्रेमाचा सल्लाही दिला आहे.
काका पुतण्या या कुटुंबामध्ये संघर्ष निर्माण केला जातो असं वाटतं का यावर योगेश कदम म्हणाले की, होय नक्कीच विरोधकांनी असा नेहमीच प्रयत्न केला आहे की आमच्यातील हे वाद वाढत राहावेत इतकच नाही माझ्यासमोर जे निवडणूक लढवणार आहेत विरोधक आहे मला त्याचं नाव घ्यायचं नाही पण त्याने गावागावात वाडी वाडीत हेच काम केलं आहे वाद लावायचे दोन गट पाडायचे आणि आपली राजकीय पोळी भाजून घ्यायची असा टोला योगेश कदम यांनी ठाकरे गटाचे दापोली विधानसभेचे संभाव्य उमेदवार व माजी आमदार व जिल्हाप्रमुख संजय कदम यांना लगावला आहे. इतकंच नाही तर या व्यक्तीला आजपर्यंत एक रुपयाचा विकास करता आला नाही प्रत्येक ठिकाणी भांडण लावून दोन ग्रुप करायचे एक ग्रुप आपल्याकडे ठेवायचा हीच त्याची काम करण्याची नीती आहे अशी टीका योगेश कदम यांनी संजय कदम यांच्यावर केली आहे. आणि याच नीतीला ते बळी पडले असतील पण भविष्यामध्ये पुन्हा एकत्र यायचा आम्ही प्रयत्न करू ना असा असे मोठे सूचक वक्तव्य योगेश कदम यांनी केल आहे. कौटुंबिक वाद चार भिंतीच्या राहावेत ते जगासमोर महाराष्ट्र समोर येऊ नयेत असं आपल्याला नेहमी वाटतं पण विरोधकांनी हे वाद वाढत राहावेत यासाठीच प्रयत्न केले आणि ते त्याला बळी पडले असं मला वाटतं असे मत त्यांनी व्यक्त केलं
रामदास कदम सख्या भावाचे झाले नाहीत ते कोणाचे होणार ; ठाकरे गटाचे संजय कदम यांची जोरदार टीका
योगेश कदम यांनी सल्ला देण्यापेक्षा ज्या सदानंद कदम यांच्या कुटुंबाला त्रास दिला आहे मग ते व्यवसाय करत असताना त्यांना का नाही मदत केली असा खडा सवाल करत रामदास कदम हे सख्या भावाचे झाले नाहीत ते कोणाचे होणार असं संवाद करत आता मुलाला पुढे करणारे रामदास कदम आणि आता आमदार योगेश कदम आमदार हे सल्ला देत आहेत की अनिकेत याने व्यवसाय करावा मग ते व्यवसाय करत असताना त्या व्यवसायात मदत का नाही केलीत? सदानंद कदम यांना 11 महिने जेलमध्ये भोगाव लागलं. येथील क्रशर व्यवसायातही नोटीस देण्यात आली. सदानंद कदम जेलमध्ये असताना रामदास कदम यांचा अनिकेत पुतण्या आहे योगेश कदम यांचा भाऊ आहे तर त्यावेळेला हाक मारायचे यांना झालं नाही आणि आता राजकारणात येऊन असे सल्ले देत आहेत कारण त्यांना भीती आहे सदानंद कदम यांच्या माध्यमातून ठाकरे यांच्या शिवसेनेला मत मिळतील ही भीती त्यांना आहे अशी टीका संजय कदम यांनी केली आहे. आता सल्ले देण्याचे काम बंद करा निवडणुका जवळ आल्या आहेत लोकच तुमचं काम करतील अशा शब्दात माजी आमदार संजय कदम यांनी रामदास कदम व योगेश कदम यांना सुनावले आहे.
