रत्नागिरी, दि. १६ : रत्नागिरी नगरपालिका सार्वत्रिक निवडणुकीत नामनिर्देशनाचा अंतीम टप्पा तापू लागला आहे. निवडणूक आयोगाने रविवारी (१६ नोव्हेंबर) अर्ज भरण्याची विशेष मुभा दिल्याने आज नगरपालिकेत अक्षरशः चाहुलचाहूल पाहायला मिळाली. प्रमुख पक्षांचे नेते, कार्यकर्ते, संभाव्य उमेदवार, समर्थक यांची प्रचंड गर्दी होत असतानाच दिवसभरात तब्बल २४ उमेदवारी अर्ज दाखल झाले.
यातील ठळक बाब म्हणजे नगराध्यक्षपदासाठी सर्वप्रथम ‘आप’च्या सुस्मिता सुहास शिंदे यांनी थेट अर्ज दाखल करून निवडणुकीच्या मैदानात मोठी उडी घेतली. शिवसेना (शिंदे गट), शिवसेना (उद्धव बाळासाहेब ठाकरे), भाजप, प्रहार पक्ष, आप आणि अपक्षांची आज मोठी झुंबड उडाली.
उद्या (१७ नोव्हेंबर) हा अर्ज दाखल करण्याचा शेवटचा दिवस असून, आता अंतिम क्षणी आणखी गर्दी उसळणार अशी चिन्हं आहेत. निवडणूक वातावरण अक्षरशः तापले असून, प्रत्येक पक्षाकडून शक्तीप्रदर्शन सुरू आहे.
आजअखेर अर्जांची आकडेवारी
एकूण अर्ज (16 नोव्हेंबर, दुपारी 3 पर्यंत)
१५ नोव्हेंबरपर्यंत एकूण अर्ज – 20
१६ नोव्हेंबर रोजी दाखल अर्ज – 24
एकूण अर्ज – 44
पक्षनिहाय चित्र
शिवसेना (शिंदे गट) – 13
अपक्ष – 11
आम आदमी पार्टी – 7
भाजप – 6
शिवसेना (उद्धव बाळासाहेब ठाकरे) – 5
प्रहार जनशक्ती पक्ष – 2
नगरसेवकपदाच्या ३२ जागांसाठी आतापर्यंत ४४ अर्ज दाखल झाल्याने स्पर्धेत जोरदार चुरस निर्माण झाली आहे.
आज दाखल केलेले मुख्य अर्ज
अपक्ष – 7
अस्मिता चवंडे, मैथिली मयेकर, अनिकेत वालम, सायमा नदाफ काझी, मंजुळा कदम, सरिता कदम, कामना बेग
शिवसेना (उद्धव बाळासाहेब ठाकरे) – 5
प्रसाद सावंत, राजश्री शिवलकर, साजीदखान पावसकर, अमित विलणकर, नाझनीन हकीम
भाजप – 1
नितीन जाधव (1 ब)
शिवसेना (शिंदे गट) – 4
जागृती पिलणकर, सायली पाटील, संतोष कीर, नाहिदा सोलकर
आम आदमी पार्टी – 7
वस्ता खलील, वस्ता रेहाना, झारी रमीज, तमन्ना खान, रुक्साना नावडे, नफिसा मजगावकर आणि नगराध्यक्षपदासाठी सुस्मिता सुहास शिंदे
शिवसेनेची आजची दुसरी यादी
पालकमंत्री उदय सामंत यांनी आज ६ उमेदवारांची दुसरी यादी जाहीर केली—
संतोष कीर (14 ब), जागृती पिलणकर (12 अ), सायली पाटील (9 ब), नाहिदा सोलकर (8 अ), इल्यास खोपेकर (4 ब), प्रीती सुर्वे (3 अ).
महत्त्वाचे म्हणजे, नगराध्यक्षपदाचा उमेदवार अद्याप घोषित केलेला नाही, त्यामुळे राजकीय वर्तुळात उत्सुकता शिगेला आहे.
आता पुढे काय?
उद्या अंतिम दिवस असल्याने उमेदवारी अर्जांची गर्दी वाढणार.
भाजपला महायुतीमध्ये किती जागा मिळणार याचा निर्णय सोमवारी सकाळी अपेक्षित.
सर्व प्रमुख पक्षांकडून शक्तीप्रदर्शन; नगरसेवकांबरोबरच नगराध्यक्षपदावरही उत्सुकता.
रत्नागिरीतील निवडणुकीची रणधुमाळी जोरदार रंगात आली असून पुढील 24 तास निर्णायक ठरणार आहेत.
