दापोली, दि. २६ (प्रतिनिधी) : कोकणातील दापोली तालुक्यातील लाडघर समुद्रकिनारी बिबट्याच्या पवित्र्यात आणि रंगसंगतीत आढळणारा एक दुर्मिळ समुद्री सरपटणारा प्राणी सापडल्याने खळबळ उडाली आहे. स्थानिक भाषेत या प्राण्याला ‘रेचन’ असे संबोधले जाते. मात्र यावेळी सापडलेला प्राणी विशेष लक्षवेधी ठरला कारण त्याच्या अंगावरील चट्टे हे अगदी बिबट्याच्या त्वचेसारखे असून, अशा स्वरूपाचा प्राणी स्थानिकांनी आजवर पाहिलाच नव्हता.
हा प्राणी एका स्थानिक नागरिकाने मासेमारीदरम्यान पकडला. काही वेळासाठी तो किनाऱ्यावर ठेवण्यात आला होता. त्यावेळी अनेक नागरिकांनी त्याच्या दुर्मिळ रंगरुपाचे फोटो आणि व्हिडिओही काढले. मात्र निसर्गाचे भान ठेवत आणि या जीवाला इजा होऊ नये, यासाठी concerned नागरिकांनी त्याला पुन्हा सुरक्षितपणे समुद्रात सोडले.
या दुर्मिळ प्राण्याविषयी माहिती घेतली असता, तो मोराय इल (Moray Eel) प्रजातीतील असल्याची शक्यता व्यक्त होत आहे. त्यावर बिबट्याच्या चट्ट्यांसारखी त्वचा असते, त्यामुळे त्याला ‘लेपर्ड मोराय इल’ असंही म्हणतात.
निसर्गाची ही अद्भुत भेट पाहण्यासाठी किनाऱ्यावर एकच गर्दी उसळली होती. वनविभाग किंवा मत्स्य विभागाने याबाबत अद्याप कोणतीही अधिकृत प्रतिक्रिया दिलेली नाही.
